\n
Amakuru yihuse kandi yizewe

Home > Imibereho myiza > Amakuru kuri covid-19 5 Kamena 2020

Amakuru kuri covid-19 5 Kamena 2020

Friday 5 June 2020, by sereine

Ishami ry’Umuryango w’Abibumbye ryita ku Buzima, OMS, ritangaza ko ubwandu bwa Coronavirus ku Isi bukomeje kwiyongera, kuko mu minsi ibiri gusa ishize habonetse abandi bantu bashya banduye bagera ku 250 682.

OMS ivuga ko muri iyo minsi abandi bantu 10743 aribo bapfuye. Ibi byatumye abamaze kwandura ku Isi ari 6 703 095 mu gihe abandi 393 224 bamaze gupfa naho abamaze gukira ni 3 252 378.

Brésil nicyo gihugu cyugarijwe cyane ku Isi, kuri uyu wa Kane cyapfushije abantu 1 492 mu gihe abandi 31 890 banduye. Leta Zunze Ubumwe za Amerika zo zapfushije abantu 1 031 mu gihe abandi 22 268.

Kugeza ubu kandi Leta Zunze Ubumwe za Amerika nizo zikomeje kuza imbere mu kugira umubare w’abanduye n’abamaze gupfa benshi ku Isi, kuko abamaze kwandura ni 1 924 051 naho abamaze gupfa ni 110 173.

Brésil niyo iza ku mwanya wa Kabiri aho ifite abanduye 615 870 naho abamaze gupfa ni 34 039, u Burusiya buza ku mwanya wa gatatu kuko bufite abanduye 441 108, hamaze gupfa 5 384, muri Espagne handuye 287 740 hamaze gupfa 27 133, naho mu Bwongereza handuye 281 661, hamaze gupfa 39 904.

Ku mugabane wa Afurika wose hamaze kugaragara abantu 172 183 banduye Coronavirus, abamaze gupfa ni 4 783 naho abakize ni 75 830.

Afurika y’Epfo iri imbere mu kugira abafite ubwandu benshi kuko ari 40 792, abamaze gupfa ni 848, ikurikirwa na Misiri ubu ifite abamaze gupfa benshi kuri uyu mugabane kuko bageze kuri 1 126 naho abamaze kwandura ni 29 767.

Muri Afurika y’Iburasirazuba, Kenya nicyo gihugu cyugarijwe cyane kuko hamaze kwandura abantu 2 340, hapfuye 78.

U Rwanda rufite abanduye 410, hamaze gupfa abantu babiri ariko hamaze gukira abandi 280; muri Uganda hari abanduye 522, Tanzania ifite abanduye 509 hamaze gupfa 21, mu Burundi handuye abantu 63 hapfa umwe naho muri Sudani y’Epfo hamaze kwandura abantu 994, hamaze gupfa 10.

Mu bihugu bihana imbibi n’u Rwanda, Repubulika Iharanira Demokarasi ya Congo niyo yibasiwe cyane, kuko ubu ifite abanduye 3 644 barimo 78 bamaze gupfa.

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Hypertext link

(If your message refers to an article published on the web or to a page providing further information, please enter the title of the page and its URL below).